Американската амбасадорка денеска зборуваше на македонски јазик, на свеченоста која се одржа по повод поставувањето на камен темелникот на Коридорот 8. 

Според неа, ова е инвестиција во иднината на Северна Македонија и на сите земји поврзани со Коридорот 8 и пошироко, и ова е посебен ден за нашата држава. 

„Подобрувањето на патиштата во Северна Македонија е од исклучително значење за економскиот развој. Развојот на оваа модерна патна мрежа ќе помогне да се движат луѓето, да се движат стоките и да се привлечат инвестиции. Добрите транспортни рути како Коридор 8 ќе и помогнат на Македонија да ја подобри својата регионална интеграција и да изгради подобри односи со своите соседи“, рече Агелер.