Објавата на лажната вест на сајтот USA television дека новиот американски претседател Доналд Трамп донел одлука да ги укине визите за патување на македонските граѓани стигна и до американската амбасада во Скопје која мораше да ги демантира овие наводи.

- Лажните вести на сајтот USA television постираа сторија на 29 – ти март известувајќи дека претседателот Трамп потпишал наредба со цел да им се дозволи на жителите на Македонија да патуваат во САД без виза. Тоа не е вистина. Листата на земји кои што аплицираат за визи не е променета. Исто така, лажни беа и вестите постирани во јануари и февруари, кога сајтот објави речиси идентични верзии за Азија, Карибите, Колумбија, Јужна Африка, Гана и Малави, информираат од амбасадата.

Инаку оваа лажна вест брзо се прошири на социјалните мрежи во Македонија и доведе до заблуда голем број на граѓани кои не се соодветно информирани дека постојат веб сајтови кои намерно шират дезинформации за привлекување на поголем број на читатели.