САД се задоволни од разговорите меѓу Северна Македонија и Бугарија, напиша американската амбасадорка во нашава земја, Кејт Брнз на нејзиниот профил на Твитер по средбата со премиерот Зоран Заев.

-Гледаме позитивен пат напред и задоволни сме од тековните разговори меѓу Бугарија и Северна Македонија за да се придвижат напред евроинтеграциите на Северна Македонија, вели Брнз во нејзината објава на Твитер.

We see a positive way forward and are pleased with the ongoing conversation by both and to move  EU accession forward.

— Ambassador Kate Byrnes (@USAmbNMacedonia) May 26, 2021

На состанокот, како што соопштија од Владата, е реафирмирано партнерството меѓу Северна Македонија и САД, a истакнати се и пораки за континуиран напредок во реформите и во борбата против корупцијата.
 
Констатирано е дека политиките на дијалог отвораат перспективи за нашата држава и за целиот регион, а Соединетите Американски Држави, како што е соопштено, се заинтересирани за позитивни процеси во регионот.
 
Во таа насока е пренесена  поддршка од САД за натамошен напредок на Северна Македонија, по НАТО - и во процесот на европските интеграции. При тоа е изразена заедничка согласност дека е време да продолжи проширувањето на ЕУ, коешто ќе значи охрабрување за целиот Западен Балкан, заедно со НАТО перспективите, државите од регионот да продолжат да се развиваат според демократските вредности