Алиу: Првпат досега имаме база на човечки ресурси, а наскоро ќе имаме и база на инфраструктура и технологии
Министерот за здравство, Азир Алиу денеска се осврна на петте столба на кои се базира здравствениот систем, во однос на инфраструктура, нова опрема, дигитализација, законска регулатива и човечки ресурси со кои располагаат јавните здравствени установи.
„Откако ја презедов функцијата министер за здравство, во првите месец и половина прво направивме скенирање на состојбите, а еве веќе на крајот на годината имаме база на податоци од здравствениот систем. Првпат досега имаме база на човечки ресурси, а наскоро ќе имаме и база на инфраструктура и технологии поврзани со здравствениот систем. Од аспект на законите, големи беа предизвиците и 12 закони веќе се обработуваат и изменуваат, а работиме и на 2 нови закона кои досега ги немаше, а процесите налагаат да ги имаме. Ценам дека до крајот на февруари сите закони ќе бидат завршени и подетално ќе известиме за нив“, истакна министерот Алиу.Во однос на останатите предизвици со кои се соочува здравството, министерот Алиу информираше дека се креирани шест групи за следење клинички проблеми при обезбедување здравствени услуги за пациентите.
Кажа дека се креирани шест групи за следење клинички проблеми при обезбедување здравствени услуги за пациентите. Од нив, пет групи досега имаат укажано дека не се евидентирани клинички проблеми.
Очекува во првата половина од 2026 година да има смарт паркинг во кругот на Клиничкиот центар и катна гаража.
фото Фејсбук/Азир Алиу
Слично
Поврзани вести
