Oд Алијанса за Албанците велат дека Иван Стоиљковиќ кој ќе стане министер во Владата треба да го признае Косово, геноцидот во Сребреница и да се огради од рускиот претседател Владимир Путин и српскиот претседател Александар Вучиќ.

Тие ќе бараат од Стоиљковиќ да го признае Косово и да се огради од Путин и од Вучиќ.

„Министерот и вицепремиер кој ќе биде посветен на Охридскиот договор, Иван Стоилковиќ, е познат по својот проруски став и во линија со српскиот претседател, Александар Вучиќ, не ја признава независноста на Косово, со што сериозно го крши Уставот на земјата,  како и го негира геноцидот во Сребреница и истиот го исмева. Јавно бараме пред гласањето на владиниот кабинет, Стоиљковиќ јавно да се изјасни за признавање на Косово како независна држава, признато со Уставот на земјата, како и да се огради од Путин и Вучиќ и да се изјасни за ЕУ ​​и САД. Дополнително, Стоиљковиќ мора да го прифати и српскиот геноцид во Сребреница во согласност со резолуцијата на Генералното Собрание на ОН за која гласаше и Северна Македонија. Апелираме и до коалицијата која ги загуби парламентарните избори (Вреди) барем во овој дел да не биде сервилна и да не се согласува да биде во Влада додека Стоилковиќ не ги даде горенаведените изјави“, стои во соопштението од Алијанса за Албанците. 

Лидерот на ВМРО-ДПМНЕ, Христијан Мицкоски за реакциите за Иван Стоиљковиќ вели дека секој член на оваа влада мора да има промакедонски позиции.

Имаше реакции во јавноста од албанските партии по неговиот предлог Иван Стоиљковиќ, претседателот на Демократската партија на Србите да биде вицепремиер задолжен за односи со заедниците.