Алијанса постави директор за конфискација, Фатон Асани си замина
Дритон Небиу од Алијанса за Албанците од вчера ја превзема функцијата директор на Агенцијата за управување со одземен имот, а досегашниот прв човек Фатон Асани, кадар на СДСМ, објави дека му истекол мандатот.
„Секоја приказна има почеток и крај така да мојата приказна започна на 6 Август 2017 а крајот и дојде денес 10 Март 2023 Едно убаво животно искуство како директор во Агенција за управување со одземен имот , со еден прекрасен тим за работа со кој се направија енормни резултати, а за една институција дали напреднала или не може да зборуваат само БРОЈКИ
Денес извршив примопредавање на функцијата со новиот директор г-дин Дритон Небиу, од кој се надевам дека ке продолжи со ист интензитет на работа и ќе реди успеси бидејќи пред се оставам еден прекрасен ТИМ на вработени за работа кои всушност се двигателот на оваа институција и сум бескрајно благодарен за нивната пожртвуваност и нивната доверба кои ја имаа во мене и моите идеи“, објави Асани.
Тој додаде дека по еден изминат мандат, државната агенција за конфискација ги остварила очекуваните бројки и норми.
„За успесите и резултатите на Агенцијата како што и претходно кажав, мерило се само бројките, а ние како тим ги имавме многу повеќе и од било која поставена НОРМА и не би редел затоа што се многу и ризикувам да го изгубам мојот лет за Болоња
Благодарност и до мојата СДСМ која ми ја даде безрезервната доверба и поддршка, сите овие изминати години , а секако голема благодарност до сите граѓани на РСМ кои воедно беа мојот мотив за достигнување на постигнатите цели и успеси“, смета Асани.
Слично
Поврзани вести
