Претседателот на ДУИ, на православните верници, особено на тие од албанска националност им го честита големиот празник Божиќ.

- Имам чест и задоволство, во име на сите нас при Демократската унија за интеграција и во мое лично име да ги изразам нашите искрени честитки по повод светиот празник Божик, порача Али Ахмети.

Ахмети притоа обраќајќи им се на своите „сонародници, браќа и сестри Албанци од православна христијанска вера“ истакнува дека „овој празник на надежта и вербата нé наоѓа во момент кога во Собранието на Република Македонија, сега веќе, имаме и еден пратеник православен Албанец. Со гордост го нагласувам овој факт како еден пример на нашата вековна традиција на хармонија, почит и братство“.

Ахмети притоа изразува надеж дека оваа 2017 година ќе биде година на „меѓуалбанската соработка“.