Претседателот на Демократската унија за интеграција, Али Ахмети, го прими новиот холандски амбасадор во Северна Македонија, Дирк Јан Коп, на работна средба во седиштето на ДУИ во Тетово.

Ахмети му честиташе на новиот холандски амбасадор за својата нова позиција, истакнувајќи дека блиската соработка со Холандија ќе продолжи и во иднина и му се заблагодари за придонесот на неговата земја во Македонија.

Соговорниците разменија мислења и за тековните случувања, владеењето на правото, евроатлантските интеграции на земјата и регионот.

Ахмети ја истакна посветеноста на ДУИ за постигнување функционална и кредибилна неселективна правда и тоа се постигнува со вето.

Во врска со одлуката на Советот на Европската унија кон средината на овој месец, Ахмети рече дека очекува Северна Македонија и Албанија, со поддршка на Холандија, да го добијат датумот за почеток на преговорите за членство во ЕУ.

Ова ќе придонесе за уште подлабока реформа на нашите земји во согласност со очекувањата на Брисел, но ќе го стабилизира и нашиот регион.