Во „Службен весник“  вчера беа  објавени одлуките на Владата за преименување на аеродромот „Александар Велики“ и автопатот од Табановце до граничниот премин Богородица.

Аеродромот  „Александар Велики“ е преименуван во  „Меѓународен Аеродром Скопје“ или во транскрипција, испишано на англиски јазик „International Airport Skopje“.

Одлуката треба да биде доставена до Министерството за транспорт и врски, до „ТАВ Македонија ДООЕЛ“ Скопје и до АД за аеродромски услуги ,,Аеродроми на Македонија“, за спроведување активности кои произлегуваат од нејзино реализирање.

Објавена е и одлуката за името на автопатот А1 од граничниот премин Табановце до граничниот премин Богородица (Коридор X), според која, новиот назив ќе гласи „Пријателство“.