Во последните 10 години не се има случено телевизиска дебата меѓу лидерите на позицијата и опозицијата во албанскиот политички блок: последна таква дебата имало пред повеќе години меѓу поранешниот претседател на ДПА Арбен Џафери и претседателот на ДУИ Али Ахмети, пишува ИНА.
Една дебата сега меѓу Али Ахмети и Зијадин Села би предизвикала голем интерес кај телевизиските гледачи, бидејќи останаа необјаснети многу отворени прашања и теми, почнувајќи од настаните на 27.април минатата година, заедничката политичка декларација, Законот за јазиците, реформите во судството, последните политички актуелности поврзани со проширувањето на Владата, како и други теми, пишува агенцијата ИНА.
