- Ова со државнотворен народ почнува да станува многу смешно.

Единствени кои сакале да имаат сопствена и посебна држава Македонија биле Македонците.

Албанците сакале да имаат држава Албанија. Бугарите Бугарија - со овие зборови се обрати професорката Мирјана Најчевска преку социјалните мрежи. 

По големите натегања и препукувања во јавноста поттикнати од барањата на повеќе политички партии и поединци Уставниот суд да разгледа 13 иницијативи за оценување на уставноста на Законот за двојазичност, Најчевска, која важи за голем општествен критичар, укажува дека само Македонците се народот кој цели и сака да има држава Македонија, ниту еден друг, иако додава таа, ниту една држава не е етнички чиста. 

- Ниту една држава не е етнички чиста. Ама државите се создадени од припадници на конкретна група или групи луѓе кои сакале зедно да живеат и ја гледле иднината како заедничка. Тоа не значи дека другите не треба да имаат права или дека треба да се асимилираат. Само едноставно не се државнотворни.

Историски гледано Бугарите не сакале да формираат држава Македонија. Србите не сакале да формираат држава Македонија. Албанците не сакале да формират држава Македонија. Ама тие се родени тука на оваа територија и врз основа на тоа имаат права поврзани со нивниот идентитет, култура и јазик како малцински заедници.

Како граѓани на државата ги имаат апсолутно истите права и обврски кои ги имаат и сите други граѓани - нагласува професорката.