Попладнево во југозападниот дел од Македонија имаше краткотрајна појава на грмежи.

Дуваше умерен до засилен северен ветер, особено вдолж Повардарието, каде облачноста значително се намали.

Во вечерните часови ќе се задржи променливо облачно време со локален слаб дожд. Ќе дува умерен, на места засилен северен ветер. Во текот на ноќта облачноста насекаде ќе се намали.

Времето утре ќе биде сончево со умерена облачност. Ќе дува умерен, вдолж Повардарието повременo засилен северен ветер.

Од среда следува период на претежно сончево време со посвежи утра. Дневната температура ќе биде во постепен пораст, така што во деновите од викендот ќе биде во интервал од 30 до 38 степени.