Министерот за внатрешни работи, Панче Тошковски на пес конференција беше запрашан за пораките што возачите ги добиле за надминување на брзината за 1,2,3 километри на час, односно 51/52/53.

„Ако сме се договориле дека на ниво на држава треба да се вози 50, тогаш треба да се вози 50. Има земји во ЕУ каде строго е дозволено 50, а има земји каде што толеранцијата е 10 проценти. За тоа ќе треба да се договориме“, рече тој.

Запрашан за тоа дали имплементацијата ќе почне на први јануари, тој рече дека не е сигурно и дека можеби ќе почне на втори или пак за месец подоцна, се со цел системот правилно да се имплементира но и да  се доедуцираат граѓаните за неговото функционирање.

Рече дека имаат технички проблеми на Коридорите 8 и 10 и дека се работи на нивното отстранување.

Целта е да во Сејф Сити да влезе цела Македонија, без икслучок.