Русија смета дека плановите, Македонија да биде внесена во НАТО, може да имаат негативни последици по регионалната безбедност и билатералните односи меѓу двете земји.

Ова го соопшти руското Министерство за надворешни работи, по одржаниот состанок меѓу заменик- министерот Александар Грушко и македонскиот амбасадор во Русија, Гоце Карајанов.

Двајцата ја истакнале подготвенста за соработка во областите од заеднички интерес, како и важноста да продолжи работата на Руско- македонската меѓувладина комисија за трговија, економија, за научна и технолошка соработа. Двете страни ја искажале намерата да продолжат со соработката во сферите од заеднички интерес.

Грушко и Карајанов разговарале и за ситуацијата на Балканот.