„АХВ ЛАЖЕЛА ЦЕЛА ГОДИНА ЗА НЕИСПРАВНОСТА НА ВОДАТА ВО СТРУМИЦА“: Костадинов тврди „ВМРО-ДПМНЕ се подготвени да остават цел град без вода само за да предизвикаат криза“
Градоначалникот на Струмица, Костадин Костадинов, објави дека Агенцијата за храна и ветеринарство лажела цела година и предизвикувала страв и паника кај населението од Струмица, за наводна неисправност на водата.
„Што би рекол премиерот „на лагата и се кратки нозете“ - еве уште еден доказ дека тоа е така.
Судот денес донесе правосилна пресуда со која го потврди она што го зборувавме цела година во врска со водата за пиење во Струмица.
Агенцијата за храна и ветеринарство лажела цела година, предизвикувајќи страв и паника кај населението од општина Струмица за наводна неисправноста на водата.
И како што кажав, ВМРО-ДПМНЕ се подготвени да остават цел град без вода само за да предизвикаат криза која потоа ќе ја користат за сопствени политички потреби.
За рејтинг се спремни да ги лажат луѓето дека не треба да пијат вода.
Срам, мизерија и ниски страсти.
Водата е чиста, питка и биохемиски исправна.
За ваквите лаги на АХВ општина Струмица и јас ќе поднесеме и кривична пријава до директорот на АХВ поради предизвикување на страв и паника кај населението кое иако имаше питка вода за пиење, му беше забранувано и беше плашено да не ја пие.
Блиску е октомври, а народ гледа“, објави тој.
Слично
Поврзани вести
