Али Ахмети, лидерот на ДУИ, на последниот партиски митинг во Тетово вети дека ќе продолжи да се спроведува националната доктрина со тоа што гарантира официјализирање на албанскиот јазик како еднаков во Република Македонија.

„Ако ДУИ го земе мандатот на изборите во недела, во текот на наредните четири години ќе ги исполни сите дадени ветувања“ посочи Ахмети кој ги спомна вработувањата и другите постигнувања во различни области за унапредување на позицијата на Албанците во Македонија. 

ДУИ не ја штити политичката платформа, туку националната доктрина. Во врска со конкуренцијата од другите партии, тој рече дека не препознаваат конкуренција која може да и се спротистави на ДУИ.