Претседателот на ДУИ, Али Ахмети вели да го прифатиме бугарското малцинство во Уставот, и ништо лошо нема да ѝ стане на државата. 

Ахмети ова го изјави на прес-конференција по средбата со бугарскиот премиер Кирил Петков попладнево во Собранието.

„Зборував многу отворено за ова со Петков. Ние сме целосно ангажирани да се почитува и да не му се оспорува правото на никој да се декларира, без притисок, така како што чувствува, тоа да се рефлектира во Уставот. Мислам дека  ништо лошо нема да ѝ се случи на државата ако ние го прифатиме бугарското малцинство како уставна категорија. Значајно е да се отворат преговори за зачленување во ЕУ зашто така градиме сигурна иднина. Рамковниот договор ги има опфатено сите малцинства кои живеат овде и со сигурност со прифаќање и со значајните измени кои ќе се направат само ќе ја зајакнеме нашата држава и европските стандарди и диверзитетите. Ќе имаме претставување и на Хрватите и Црногорците, кои исто така  имаат покренато прашање да се претставени во Уставот на РМ“, рече Ахмети. 

Вели дека Македонците не треба да имаат дилема затоа што тој е нивни сограѓанин и е заинтересиран да не се чувствуаат лошо.