Лидерот на ДУИ, Али Ахмети, се надева дека претседателот на државата Ѓорги Иванов во законски предвидениот рок ќе го потпише новиот Закон за употреба на јазиците и со тоа ќе ги подобри односите со албанската заедница која уште од почетокот на мандатот нема доверба во него. 

- Со тоа тој и лично ќе си го поправи авторитетот кај Aлбанците во Мкедонија и пред меѓународната заедница. Не би требало тој да не стави потпис на указот за законот но доколку се случи тоа има процедура законот во вториот обид да стапи на сила и без неговиот потпис. Прашан дали стравува од некои најави дека ќе биде оспорен на уставниот суд Ахмети цврсто уверен дека законот го работеле експерти и дека се внимавало строго да не се направи пропуст за да истиот падне на уставниот суд, рече Ахмети за Алсат.

Првиот „интегративец“ се осврна и на негативните коментари во јавноста како и бранот на незадоволство за одредени спорни членови во самиот закон.

„Не разбирам зошто толку силни емоции, со законот не губи никој, напротив секој јазик е богатство. Не можеме да речеме дека Македонскиот и Албанскиот јазик во Македоија со овој закон се изедначени. Внатре во државата,во сите институции да, но во меѓународните комуникации согласно Охридскиот договор Македонскиот е официјалниот јазик за комуницирање“ смета Ахмети.