Претседателот на Демократската унија за интеграција, Али Ахмети придружуван од претседателот на Собранието Талат Џафери, првиот вицепремиер Артан Груби, министри, заменици министри, директор како и други соработници, синоќа ги продолжија средбите со граѓани и партиски активисти во градот Тетово, поточно во Голема и Мала Речица 1 и 2, Теќе, Сончев брег и Ван Вардарска.

Претседателот на ДУИ, Али Ахмети, рече дека внимателно ги следел соговорниците и забележал дека нема скептицизам во нивните зборови.

„Тука можам да кажам дека и јас немам скептицизам и не се чувствувам скептик ниту пак чувствувам страв, бидејќи кој би поверувал пред дваесет години дека ќе имате министер за одбрана албанец, претседател на парламент, албански министер за надворешни работи кој претседава со ОБСЕ. Зошто да кажеме дека нема да бидеме успешни? Затоа што не треба да правиме дневни политики, туку долгорочни политики, добро осмислени и за доброто на граѓаните. Овие средби се во екот на постојаните традиционални средби што ДУИ ги водеше со граѓаните низ годините, сега кога ќе се вратам и ќе ги видам записниците на тогашниот генерален секретар, покојниот Абдилаќим Адеми, одржавме 130 средби во рамките на два месеца, така што ова се одрази на животниот век на ДУИ и како процес кој што недостасува беше забележан во времето на корона. Ја пропуштивме оваа комуникација и сега се врати. Дали заедно за Европа и служиме на иднината вака? Дали сме генерацијата што ќе направи чекори напред? Направивме чекор во 2002 година за сите Албанци, да го спроведеме нашиот договор. Сега сме во преговори за членство во Европската Унија, затоа треба да го повикаме народот и да седнеме да разговараме, бидејќи многу политички партии кои досега беа регистрирани и нерегистрирани, вкупно 14 на број не успеаја да го победат ДУИ“, рече Ахмети.

Нагласи дека сега сакаат да отвотрат нова сцена, проевропски фронт што го забрзува нашето членство во Европската Унија. 

„Овој фронт е помош што го забрзува нашиот пат кон ЕУ, кој мобилизира кон уставни измени.Овој фронт мора да работи и за нашите македонски сограѓани. Македонските публицисти и интелектуалци пишуваат дека сум ја предал македонската кауза. Тоа никогаш нема да се случи, бидејќи јас сум бил, сум и секогаш ќе бидам ангажиран во одбрана на каузата на нашите сограѓани, нивниот идентитет, јазик и култура. Не треба да се плашиме кога Албанците се на наша страна, затоа треба заедно да одиме напред, бидејќи бугарското и црногорското малцинство не претставуваат никаква опасност ако се застапени во Уставот на Северна Македонија. Ништо лошо не се случи ниту со Охридскиот рамковен договор или со албанскиот јазик , напротив, албанците станаа полојални на својата држава. Албанците денеска се чувствуваат  како  дома и во своја држава“, истакна претседателот Ахмети.

Талат Џафери, претседател на Собранието, рече дека вечерта го сменил пристапот на неговиот говор. 

„Нема пожар во Тетово! ДУИ е изградена на силни темели и столбови. Почитуван командант, влеговме во третата деценија од постоењето на ДУИ и се сеќавам на 3 октомври 2002 година кога ние пратениците на ДУИ бевме пратеничкиот состав кој ја имаше првата заменичка во нашиот состав, г-ѓа Теута Арифи, поранешна градоначалничка на општина Тетово. Случајот го спомнав затоа што тогаш меѓу колегите пратеници се зборуваше за тоа како Албанците успеале да имаат пратеничка, првата претседателка на комисијата за надворешна политика која денес Бујар ја наследи како министер за надворешни работи. Овие процеси бараа работа, посветеност кон сите вас кои ни го дадовте овој мандат“, рече Џафери пред присутните.

Фатмир Бесими , министер за финансии рече дека има три аспекти кои сака да ги издвои и кои се запишани во сите програми на ДУИ. 

„Првата е визија, втората е одлучноста и третата е трансформација, точки кои ја карактеризираат Демократската унија за интеграција. Визијата на ДУИ е перспектива да се размислува и дејствува. Решителноста е за одговорност. Научени сме да прифатиме посредување и да не го злоупотребуваме. Додека третата, трансформацијата бара трансформирање на општеството и само-трансформација. Значи, кој друг политички субјект успеа да ги зачува овие трансформативни аспекти повеќе од ДУИ? Идејата што ја носат со генерации, денес е отелотворена кај нашиот претседател, г. Али Ахмети. Секое утро сите го слушаме претседателот како ја кажува истата порака: „Одговорност, искреност и посветеност на работните места што ги преземавте“, објасни министерот Бесими.