На средбата со високата претставничка за надворешна и безбедносна политика на Европската Унија, Федерика Могерини лидерот на ДУИ Али Ахмети рекол дека тие како партија ќе останат  посветени за да се постигне политичко решение, а институционалната и системска криза не смее да се претвори во етничка

Ахмети рекол дека соработката со ЕУ, НАТО и САД трае 16 години и дека секое постигнување е заедничко.

„Ние сме биле, сме и ќе останеме партнер на меѓународната заедница…Владеењето на правото, владеењето на законот, веродостојни институции, заокружување на Охридскиот Договор, добрите меѓуетнички и добрососедски односи како и интеграцијата во НАТО и ЕУ се нашите приоритети“, потенцирал Ахмети, стои во соопштението на ДУИ за средбата.

Могерени, се додава во соопштението, изразила вреднување на конструктивната улога и пристапот на ДУИ околу кризата и истакнала дека Европската Унија останува со земјата во напорите за решавање на кризата и потребата за продолжување на дијалогот.