Лидерот на Демократската унија за интеграција Али Ахмети изрази бладарност за охрабрувањето кое го добиле од официјална Тирана при склучувањето на сеалбанската платформа која ја договорија со БЕСа и Алијансата на Албанците. 

Тој денеска на средба со албанскиот амбасадор во Македонија, Фатос Река разговараше за политичките случувања во земјава и во регионот по изборите на 11 декември, соопштија од ДУИ.

„Ахмети го запозна амбасадорот Река дека продолжуваат интензивните консултации со партиските тела, со интелектуалци и со претставници на граѓанското општество и на меѓународната заедница, на дневна основа“, соопшти ДУИ.

Ахмети истакнал дека изјавата на албанските политички партии е заеднички производ од нивните изборни платформи и изразил уверување дека било искрено и конструктивно охрабрувањето од Тирана и од Приштина за тоа внатрешно постигнување.