Адвокатите на обвинетите припадници на терористичката група која водеше битка во  „Дива Населба“  тврдат дека од транскрибираните разговори кои беа презентирани на денешното судско рочиште се потврдува дека тие биле нападната од полицијата. Затоа пружале отпор во неможност да се предадат. 

Насер Рауфи изјави дека првите два до четири часа од акцијата, групата била подготвена да се предаде, но според него, тоа било невозможно, информира Алсат.

„Оваа група не нападнала, туку била нападната и немала ниту волја, ниту желба да дава отпор, нонејзините членови откако биле нападнати, биле принудени и да се одбранат. Очигледно е дека два до четири часа по нападот групата сакала да се предаде. Втората група сакала да се предаде, но имало жртви“, рече адвокатот Рауфи.

Наредното рочиште за „Дива Населба“ ќе се одржи в четврток кога и ќе бидат преслушани разговорите за време на акцијата. На почетокот на февруари одбраната треба да почне со презентирање на своите докази, а се очекува како сведоци да бидат повикани и политичари и поранешни државни функционери