Пратеникот Џеват Адеми од редовите на ДУИ жестоко им се обрати на пратениците на ВМРО-ДПМНЕ посочувајќи им дека не се плаши од заканите за оган бидејќи тој е ветеран од две војни.

- Учесник сум во две војни. Закани со оган кај мене не поминуваат. Денес не сте во право. Во секое време Собранието има право да се прекине и да се премине на друга точка, рече пратеникот на ДУИ, Џевад Адеми, од собраниската говорница.

Тој посочи дека Талат Џафери е единствен кандидат за претседател на Собранието и дека мнозинството има право да ја промени точката на дневен ред, бидејќи комисијата за избори и именување може да избира и други парламентарни тела.

- Талат можеби нема за една недела да стане претседател на Собранието, но за 10 дена ќе биде, потенцираше Адеми и рече дека освен преку комисијата која е точка на дневен ред, претседател може да се бира и по предлог од 20 пратеници.