700 илјади евра грант доби општина Струмица за три проекти со кои конкурираше на вториот повик од ИПА-Програмата за прекугранична соработка. Градоначалникот Зоран Заев го претстави третиот проект „Изградба на трим-патека во Банско“, во кој партнер е регионот на Северна Грција. Како што информираше тој, за реализација на овој проект од ИПА-фондовите биле одобрени 134,5 илјади евра. Трим-патеката во Банско е долга 604 метри и ќе се протега од центарот на селото до хотелот „Цар Самуил” и кружно ќе ги поврзува најзначајните културно-историски и туристички обележја на Банско. Покрај за трим патеката во Банско, со доделените 700 илјади евра ќе треба да се рализираат и останатите два проекти „Енергетски ефикасно и енергетски независно училиште Сандо Масев” и „Реставрација и козервација на бедемите на Цреви Кули“.