Седум големи банки, меѓу кои „Bank of America“, „JP Morgan“, „Credit Suisse“ и „Deutsche Bank“, се согласиле да платат вкупно 324 милиони долари за решавање на тужба за манипулација на каматните стапки.

Тужбата против банките е покрената од инвеститори и пензиски фондови. Во неа вкупно 15 банки се обвинети за манипулирање на индексот „ISDAfix“.

Банките се обвинети дека во периодот меѓу 2009 и 2012 година манипулирале со дневната основна стапка за свопови договори.

„JP Morgan“ ќе плати 52 милиони долари, а „Bank of America“, „Credit Suisse“, „Deutsche Bank“ и „Royal Bank of Scotland“ќе платат 50 милиони долари секоја поединечно.

„Citigroup“ ќе плати 42 милиони долари, а британската „Barclays“ - 30 милиони долари.

Од банките одбиваат директен коментар за овој случај.

Осум други банки не се вклучени во плаќањето, вклучувајќи ги „BNP Paribas“, „Goldman Sachs“, „HSBC“ и „Morgan Stanley“.