Заврши реконструкцијата на спортските сали во шест основни училишта во Аеродром. Денеска тие и официјално беа пуштени во употреба. Како што изјави градоначалникот на Општина Аеродром, Ивица Коневски , со оваа крупна инвестиција основните училишта целосно се модернизираа, а учениците добија соодветни услови за спортување на местата каде што го челичат своето здравје, Во рамки на проектот за реконструкција на спортските сали беа опфатени и соблекувалните, како и просториите за реквизити. Реконструирани се покривите во дел од салите,  променета е внатрешната столарија и санитарните јазли, има заштитни решетки на прозорците. Целиот  проект чинеше околу 30 милиони денари од општинскиот буџет на Аеродром.