„Нема веќе заеднички слики од славата. Нема веќе ништо, не напушти. Тихо го нема. Си отиде“ – со овие зборови најблиските на поетот и преведувач Тихомир Јанчовски ја соопштија веста за неговата прерана смрт.

Поетот, писател и преведувач Тихомир Јанчовски, денес ненадејно почина на 59-годишна возраст денеска во Скопје, а ќе биде погребан утре (сабота 31.01.2026) од 13:00 до 14:00 во капелата на градските гробишта Бутел во Скопје.

Јанчовски, беше и професор, музичар и издавач, и истивремено е автор на над 30 книги, главно поезија, преводи, романи и една книга историја, за православното монаштво во Македонија.

Сите оние што го следеа животот и делото на Јанчовски, знаат дека тој неодмана со гордост објави дека од печат излегол неговиот превод на книгата „60 икони на Мајката Божја“, од Аријан де Сен-Марк.