Инвеститорот на дивоградбата кај ТЦ Мавровка добил решение за трошоци од 50 евра и условна казна затвор од две години.

Тој рекол дека се кае за тоа што го направил и дека не бил свесен за последиците од неговото однесување и ветил дека во иднина нема да го повтори делото

Објектот повторно се изгради, но властите за вториот случај рекоа дека биле почитувани прописите.

Како што пишува „Призма“, инвеститорот Мевљудин Алити, чија дивоградба лани се уриваше со полициска придружба, признал вина и добил условна казна од две години, како и паушал за судски трошоци во висина од 3 000 денари (50 евра).

Алити без одобрение за градење, градел објект со површина од 330 квадратни метри, а пресудата е правосилна.