Наместо досегашните 45 дена, ковид сертификатот по прележана болест сега ќе важи 180 дена, нова препорака на Комисијата за заразни болести, за која информираше портпаролот, д-р Злате мехмедовиќ.  Од Комисијата сметаат дека нема никаква логика и оправданост да се укинуваат сертификатите, пред се, како што рече, д-р Мехмедовиќ заради тоа што опфатот на вакцинација во земјава е околу 40 проценти, и во ниту еден момент не може да се споредуваме со држави како Данска или како Велика Британија.

-Онаму каде што сертификатите се укинати, имунитетот од вакцинацијата и со прележаност надминува 80 проценти.Во Данска е вакцинирано 85 отсто од населението, во Велика Британија 80 проценти, а кај нас двојно помалку околу 40 отсто. Не може да ги гледаме работите индивидуално, мора да видиме каква е епидемиолошката состојба кај нас и да носиме одлука.  Ако ги укинеме сертификатите за затворен простор ќе направиме голема трансмисија на вирусот. А, вистинскиот сертификат секако е доказ дека лицето што го поседува има некаква заштита, во однос на оние кои немаат сертификат, посочи д-р Мехмедовиќ на денешната прес-конференција.