Според моменталните анализи со кој располагаме, со помош на најпрецизниот нумерички модел (ECMWF – Европски центар за среднорочна прогноза), седмицата која е пред нас  ќе биде и понатаму пролетно топла, иако календарски се сеуште зима, но и со повеќе врнежи, вели метеорологот Славчо Попоски.

„ Најмногу врнежи ќе имаме во денес и утре, кога е можна појава и на локално невреме со електрични празнења и со појава на град.

Мора да напоменеме дека на повеќе места, особено денес ќе дува засилен, повремено силен ветер од јужен правец (повремено со брзина од над 70 км/час). Остануваат високите пролетни температури на воздухот, што значи нема да се менуваат во однос на овие што ги имаме за време на викендов.

Топло ќе биде  и во најголемиот дел од Европа.

НАПОМЕНА: Во случај на појава на електрични празнења да не се претстојува на отворен простор  и под осамени дрвја, исто така локално се очекува позначително количество на воден талог (над 25 литри). Доколку се случат овие врнежи за  краток период, и тоа поради очекуваната нестабилност можни се локални краткотрајни поплавувања“, вели тој.