АД „Електрани на Македонија“ на својата официјална веб страна почна да ги објавува податоците за нивото  на Охридско Езеро. 

На следниот линк http://www.elem.com.mk/?p=6755 посетителите на корпоративната страна на АД ЕЛЕМ ќе имаат можност секојдневно да го следат нивото на езерото, а покрај  моменталната состојба, се поставени и податоци за минималната и  за максималната кота. 

Објавените податоци се според сопствените мерења на компанијата, што  АД ЕЛЕМ - Подружница ХЕС Црн Дрим ги врши со водомерна летва во близина на градското пливалиште во Струга. Новите содржини на веб страната се во правец на обезбедување поголема транспарентност во работењето , како и во интерес на засегнатата јавност.