Зошто Путин за Нова година нема да игра хокеј на Црвениот плоштад?

Свет
14 дек 2022

Зошто Путин за Нова година нема да игра хокеј на Црвениот плоштад?

Ништо од хокеј на Црвениот плоштад, затоа што рускиот претседател Владимир Путин ги откажа новогодишните планови. Причината зошто откажа не е позната.

Путин ги откажа своите традиционални планови за новогодишната ноќ. Претходно ја откажа и традиционалната годишна прес-конференција, како и обраќањето пред Федералното собрание на Русија.

Портпаролот на Кремљ Дмитриј Песков објави дека Путин не планира да игра хокеј на Црвениот плоштад оваа новогодишна ноќ.

„Колегите ми кажуваат дека обраќањето би можело да се одржи следната година, а има извештаи дека може да биде писмено. Не, никогаш не било писмено. Што се однесува до информациите дека е можно да се одржи следната година, секако дека е можно“, рече Песков.

Но, според шефицата на Европската Комисија (ЕК), Урсула фон дер Лајен, војната на Путин ќе биде неуспешна од две главни причини – поради огромната храброст на Украинците и поради извонредното единство на меѓународната заедница. Путин ја почна инвазијата на Украина на 24 февруари. Но, се појавија информации дека за кратко време планирал заземање на земјата, а тоа до ден денес не се случи.

Фото Alexei Nikolsky / TASS / Profimedia