Дописничката на Си-Ен-Ен од Москва, Џил Доерти, за оваа медиумска куќа ја анализирала одлуката на Путин утрово да ја нападне Украина и со тоа да ги обвистини оние застрашувачки закани што ги најавауваше три дена.

„Непосредно пред зори, непосредно пред да започнат експлозиите во градовите ширум Украина, руската државна телевизија неочекувано емитуваше обраќање на рускиот претседател Владимир Путин.

Двете самопрогласени „народни републики“ Доњецк и Луганск, во отцепениот украински регион Донбас, кој тој официјално го призна како независен пред помалку од два дена, „се обратија на Русија за помош“, рече тој.

За да одговори на тој повик, тој започна „специјална воена операција“. Нејзината цел е да ја „демилитаризира“ и „деназифицира“ Украина, пишува дописникот на Си-Ен-Ен од Москва и продолжува

„За неколку минути, руските ракети почнаа да гаѓаат цели во Украина.“ Нашите акции се самоодбрана од закани“, им рече тој на своите сограѓани Руси, тврдејќи дека Москва нема планови да ја окупира Украина.

„Не планираме никому да се наметнуваме“, инсистираше тој.

Путин ја опиша „специјалната воена операција“ како цел да ги заштити луѓето што живеат во Донбас, кои, како што тврди, биле подложени на „геноцид“, обвинување што Украина силно го негира. А потоа додаде: „НАТО ги поддржува украинските неонацисти... нашите акции се самоодбрана од закани.

„Кој ќе се обиде да се меша, а уште повеќе, да се заканува на нашата земја, на нашиот народ, треба да знае дека одговорот на Русија ќе биде моментален и ќе ве доведе до такви последици што никогаш не сте ги доживеале во вашата историја. Подготвени сме за каков било развој на настаните. Донесени се сите неопходни одлуки во врска со ова.

Путин, кој со години го критикуваше Западот дека ги игнорира неговите критики за проширувањето на НАТО кон руските граници, конечно возврати со моќен удар.