Русија се лути затоа што Грција повеќе не е нивна земја пријател. Оваа држава пружи поддршка и помош на Украина. 

За грчкиот весник Катимерини, рускиот шеф на дипломатијата, Сергеј Лавров изјави дека Русија беше пријател со Грција додека Атина не се повинува на „американските барања". Според него, кај грчкото раководство имало промени, а тие ќе преземат мерки. 

„Ги донесовме нашите заклучоци за оние кои со задоволство ја поддржуваат агресијата против Русија“, вели Лавров, а објави руската амбасада во Атина на Твитер.

Вели дека „Грција и Кипар во последните години се меѓу најпријателските земји“ и дека до неодамна „имале голем број заеднички културно-образовни проекти“, како и дека „економската соработка активно се развивала на меѓусебен интерес“.

Лавров изјави дека „е чудна брзината со која се префрлиле не само во „таборот“ на оние што ги потпишале санкциите, туку и во групата на оние кои предводат со антируски акции“.

„Тоа ја отсликува наметнатата линија на агресивна конфронтација, а не интересот на Грците“, соопшти руската амбасада во Атина.

Поради руската инвазија на Украина, само Србија не воведе санкции против Русија, но другите земји воведоа за да не ја финансираат војната. 

Две држави ги протеруваат руските амбасадори. 

Естонија, а потоа и Летонија, кои се членки на НАТО и ЕУ, побараа од руските амбасадори во нивните земји да си одат, откако Москва нареди естонскиот амбасадор да си замине и ги намали дипломатските односи со Естонија. Руските власти него го обвинија за „тотална русофобија“. Естонскиот амбасадор во Русија, Маркус Лаидре треба да ја напушти земјата до 7 февруари.

За посетување, руската инвазија на Украина почна лани на 24 февруари. 

фото ЕПА