Сопствениците на електромобили во зима се загрижени за километрите кои можат да ги поминат со едно полнење. Веројатно нема човек кој не беше соочен со проблемот на батериите и нивниот однос кон студот. Иако напредокот во технологијата е очигледен, сепак и електричните автомобили не се исклучок . Тие се соочуваат со два главни проблеми: студеното време ја намалува моќта на батеријата , а интензивното користење на греењето дополнително ја троши енергијата. Температури под нулата за многу сопственици на електромобили се повод за жална дека километражата на автомобилите нагло опаѓа. Така на пример , автомобил кој по каталог може да измине 400 километри со едно полнење , на ладно минува само 290 километри пред енергијата во батеријата да биде исцрпена. Во зони со екстремна клима, разликата може да биде уште поголема , што ги присилува потрошувачите да избираат автомобили со поголеми батерии што ја поскапува цената. Таква опција нуди американската компанија Tesla која продава неколку верзии од истиот модел , но со различен капацитет на батеријата. Како и цена, се разбира. Постојат мерки кои возачите можат да ги преземат за да се подобри моќта на батериите. Но со достапните технологии , загубата на енергија во текот на зимата е неизбежна , велат експертите. Инженерите продолжуваат да работат на проблемот,  но нивните проекти ќе бидат завршени по најмалку уште неколку години.