Европската комисија (ЕК) ја казни со 40 милиони евра американската модна компанија „Гуес“ (Guess)поради повреда на регулативата за забрана на неоправдани ограничувања за онлајн шопинг. Во овој случај, компанијата има направено т.н. геоблокинг, што ги спречува потрошувачите да купуваат производи од други земји во Европската унија, што е нарушување на конкуренцијата.

Според ЕК, компанијата „Гуес“ преку одделни договори за дистрибуција на производи продавала по повисоки цени од 5 отсто до 10 отсто во Централна и Источна Европа споредено со земјите од Западна Европа. Хрватска, Полска, Бугарија, Чешка, Унгарија, балтичките републики, Романија, Словачка и Словенија се меѓу погодените земји.