Да го веат знамето на „Исламска држава" не е кривично дело во Шведска, одлучи обвинител во нордиската држава.

Жизел Саовал, обвинител, тврди дека тоа не е кривично дело од омраза бидејќи „Исламска држава" ги мрази сите, а не одредена група.

Одлуката беше донесена минатата недела, кога 23-годишен сириски мигрант го објави знамето на организацијата на профил на Фејсбук. Обвинението кон него беше токму за говор на омраза.

Тие едноставно ги мразат сите - и христијани, и шиити, и јазиди, и хомосексуалци, па и Евреи, објаснува обвинителката. 

Кога полицијата го уапсила мажот, тој рекол дека не ги поддржува „Исламска држава", туку дека  знамето е широко распространето и се користи од муслиманите.

Знамето е забрането да се користи на јавни места во Холандија и Германија. Во Велика Британија има случаи за уапсени мажи, поради знамето.