Во четвртокот „орлите“ го одиграа првиот натпревар на Светското првенство во Катар. На стартот од натпреварувањето во групата Г загубија од Бразил со 2:0.

По натпреварот, на социјалните мрежи се појави фотографија од соблекувалната на Србија на која се гледа закачено знаме со слика на Косово и натпис:

„Нема откажување“.

Сликата предизвика незадоволство и гнев кај, пред се, припадниците на албанската заедница.

- Репрезентацијата на Србија практично повикува на геноцид на Косово за време на Мундијалот. Одвратно - беше еден од коментарите.

– Косово е полноправна членка на ФИФА, сега треба да ја притискаме правдата до крај и да бараме да ја казниме Србија – пишуваше во друго соопштение.

- ФИФА треба да ги забрани српските шовинистички пораки или пароли кои претставуваат директен напад на Косово, полноправна и рамноправна членка на ФИФА. Светското првенство не треба да се претвори во прослава на геноцид. За овие и слични слики треба да се погрижат службениците - рече третиот.

Не се знае кој и во кој момент го закачи ова знаме пред дресовите на српските фудбалери.

Следниот натпревар на Светското првенство „орлите“ ќе го одиграат во понеделник против Камерун.

Serbia's national team basically calling for genocide in #Kosova during @FIFAWorldCup.

Disgusting @FIFAcom. pic.twitter.com/VlQ3Kwh7kz

— Kosovan Football (@kosovanfooty_EN) November 25, 2022