Во текот на Светското првенство во фудбал кое се одржа во Катар, очите на јавноста беа насочени кон катарскиот емир Тамим бин Хамад ал Тани (42).

Ал Тани е четвртиот син на поранешниот катарски емир и неговата втора сопруга. Иако не бил прв во редот да го преземе престолот, поради своите способности, успеал да се избори за тоа место.

И претходно емирот се занимавал со политика, но не бил на високи функции, а се школувал во Велика Британија. Тој дипломирал на британската воена академија како еден од најдобрите студенти. Кога ја завршил академијата се вратил во Катар и служел војска.

Во 2005 година стапил во првиот брак со сопругата со која единствено се појавува во јавноста. Тамошните медиуми пишуваат дека тие двајца се братучеди, а имаат четири деца.