Ќе живееме без светлина, но не со Русите, велат жителите на Киев.

Нема светла, нема вода, нема начин да се готви храна. Дури и кога ќе се врати струјата, таа никогаш не е вклучена долго.

„Руските удари ја втурнуваат Украина во камено доба“, вели Анастасија Пироженко. 

Во последните 24-часа, нејзината 26-катница имала струја само половина час. Таа вели дека „воените услови за живот“ ги избркале неа и сопругот од нивниот стан.

„Нашата зграда е највисока во областа и е одлична цел за руските ракети, па затоа го напуштивме станот за да отидеме кај родители и се подготвуваме за најлошата зима во нашите животи“, рече 25-годишната Анастасија.

Во  украинската престолнина Киев, денеска започнаа вонредните исклучувања на електрична енергија, соопшти прес-службата на градското електростопанство. 

Украинскиот национален мрежен оператор Укренерго објави дека дури 40 отсто од Украинците ги чувствуваат последиците од оштетување на најмалку 15 големи енергетски центри низ целата земја.