Две жени од Катар синоќа се ограбени на автопат во близина на Париз, а крадците од нив одзеле пет милиони евра. 

Сестрите со својот луксузен автомобил „бентли“, од аеродромот „Ле Бурже“ се упатиле кон Париз, по што се пресретнати и ограбени од двајца маскирани мажи.

Агенцијата AFP, повикувајќи се на полициски извори, пишува дека крадците од „бентлито“ земале сé и дека вредност на нивниот плен изнесува пет милиони евра. Крадците двете жртви претходно ги испрскале со солзавец.

Идентитетот на жртвите сé уште не е познат, но медиумите пренесуваат дека се работи за две 60-годишни сестри од Катар.

Грабежот го пријавил возачот на ограбените жени. Аеродромот „Ле Бирже“  нема комерцијални летови, туку го користат бизнисмени, приватни летала, летачки клубови и слично.