Во градот Мариупол  во Украина почина Ванда Семјоновна Обиедкова (91), жена која го преживеала Холокаустот. 

Таа се криелa од руските сили во опколениот град Мариупол, пишува еврејската веб-страница Chabad.org. Обиедкова и нејзиното семејство се сокриле во подрум, а таа починала на 4 април откако поминала неколку недели без вода, струја и греење.

Нејзината ќерка Лариса раскажа дека нејзината мајка ги поминала последните две недели од својот живот смрзнувајќи, не можејќи да стане.

Обиедкова, која е родена во Мариупол имала само десет години кога нацистите влегле во градот во 1941 година. Кога војниците на СС влегле во нејзиниот дом и ја заробиле нејзината мајка, Обиедкова успеала да преживее криејќи се во подрум.