Земјите членки на БРИКС – Бразил, Русија, Индија, Кина и Јужноафриканската Република, на Самитот Г20 ќе ја разгледаат можноста за создавање на заеднички девизни резерви, со цел регулација на девизниот пазар, најави рускиот министер за надворешни работи, Сергеј Лавров. Членките на БРИКС ќе се состанат в четврток, на отворањето на Самитот Г20 во Санкт Петерсбург, и ќе го разгледаат прашањето за заеднички девизни резерви со цел да се спречи самоволието во формирањето на курсната вредност, пренесува АФП. Cпоред Лавров, ова ќе им овозможи на економиите на БРИКС полесно да се борат против негативното влијание на флуктуациите на девизните пазари.