Украинскиот претседател Володимир Зеленски информираше за „невообичаени активности“ забележани на белоруската страна од границата, најавувајќи дека Украина подготвува нови пакети санкции.

Во видео-обраќање, Зеленски изјави дека украинските сили внимателно ја следат и документираат ситуацијата, додавајќи дека државата е подготвена да реагира на секој обид за вклучување на соседни сили во агресивни дејствија против нејзиниот суверенитет.

• -Украинските сили внимателно ја контролираат ситуацијата и се подготвени да реагираат на секоја закана – истакна Зеленски.

Тој најави дека новите санкции ќе бидат воведени веднаш и во наредниот период, додека паралелно се водат разговори со меѓународни партнери за зајакнување на противвоздушната одбрана и стабилизирање на економијата.

• -Очекуваме значајни резултати од разговорите на високо ниво закажани за мај – додаде украинскиот претседател.

Овие случувања доаѓаат во време на зголемени тензии во Белорусија, каде според украински извори се засилува контролата врз интернетот, по модел сличен на руската политика на „суверен интернет“.

Истовремено, се зголемува и реториката на белорускиот претседател Александар Лукашенко, а поранешни украински функционери предупредуваат дека Белорусија и натаму може да послужи како платформа за нова ескалација, слично на инвазијата од север во 2022 година.

Сепак, геополитичката слика останува комплексна. Лукашенко неодамна беше поканет да се приклучи на мировен одбор инициран од американскиот претседател Доналд Трамп, што укажува на можни, иако контроверзни, сигнали за затоплување на односите со Вашингтон.

Yesterday, there was rather unusual activity along sections of the Ukraine–Belarus border – on the Belarusian side. We are closely documenting everything and keeping the situation under control. If necessary, we will react.

Ukraine is ready to defend its people and its… pic.twitter.com/NRHIXHpPiM

— Volodymyr Zelenskyy / Володимир Зеленський (@ZelenskyyUa) May 2, 2026