Украинскиот претседател Володимир Зеленски за блокадата на украинските пристаништа на Црното Море изјави дека тоа е дел од стратегијата на Русија да предизвика хаос и дека Русија го користи гладот ​​како закана.

Вели дека 37 странски амбасади се вратиле и работат во украинскиот главен град Киев, и на сите нив им е благодарен. 

Се надева дека и другите наскоро ќе се вратат во украинската престолнина. 

„Триесет и седум странски мисии веќе ја продолжија својата работа во Киев. Благодарен сум им на сите“, рече украинскиот претседател во видео обраќањето објавено на неговиот канал Телеграм, пренесува ТАСС.

Зеленски објави дека разговорите со Русија за спасување на ранетите ветерани од фабриката Азовстал во Мариупол биле многу сложени и дека Киев користи „влијателни посредници“.  

Во Украина, руските и украинските сили војуваат веќе 80 дена.