Украинскиот претседател Володимир Зеленски вели дека украинскиот Устав не дозволува тргувањето со територии.

Тој нагласи дека убиствата мора да престанат. 

 „Путин има многу барања, но не ги знаеме сите. Ако навистина има толку многу колку што слушнавме, ќе биде потребно време да се разгледаат сите. Тоа не може да се направи под закана со оружје“, вели тој. 

Тој повика на прекин на огнот и што е можно поскоро да се работи на конечен договор.

„Ќе разговараме за ова во Вашингтон. Путин не сака да го запре убивањето. Но, тој мора да го стори тоа“, додаде украинскиот претседател.

Зеленски истакна дека вистинските преговори бараат вистински темели. Украинскиот претседател утре оди во САД на разговори со американскиот претседател Доналд Трамп. 

Руската инвазија на Украина почна на 24 февруари во 2022 година. 

фото Фејсбук/Володимир Зеленски