Американскиот претседател Доналд Трамп и украинскиот Володимир Зеленски разговарале и за потенцијално заедничко производство на дронови. 

Зеленски вели дека така можат да се зајакнат. 

„Имав долг и суштински состанок со претседателот Трамп. Ги опфативме сите навистина важни прашања. Му благодарам на господинот претседател, им благодарам на Соединетите Американски Држави. Разговаравме како да постигнеме прекин на огнот и вистински мир. Разговаравме како да го заштитиме нашиот народ“, напиша Зеленски на X. 

Трамп рече дека ќе размисли за снабдување на Украина со повеќе ракети „Патриот“. Зеленски му честитал на Трамп за операцијата на Блискиот Исток. 

„Разговарав со претседателот за заштитата на нашите луѓе – првенствено за купување американски системи за воздушна одбрана за заштита на нашите градови, нашите луѓе, нашите цркви и нашата инфраструктура. Украина е подготвена да ја купи оваа опрема и да ги поддржи американските производители на оружје. Европа може да помогне. Разговаравме и за можноста за заедничко производство на беспилотни летала. Можеме да се зајакнеме едни со други“, вели Зеленски. 

Руската инвазија на Украина почна на 24 февруари во 2022 година.