Украинскиот претседател Володимир Зеленски откри дека украински тимови се ангажирани на Блискиот Исток, каде што соборувале ирански беспилотни летала за време на американско-израелскиот конфликт со Иран, што претставува прво јавно признание за ваков вид ангажман надвор од Украина.

Украинските сили учествувале во активни операции во странство, користејќи беспилотни летала-пресретнувачи од домашно производство, кои претходно биле тестирани во борбени услови.

„На некои земји им ги демонстриравме нашите пресретнувачи. Дали уништивме ирански „Шахеди“? Да, уништивме. Дали тоа го направивме само во една земја? Не, во неколку. И според мене, тоа е успех“, изјави Зеленски.

Оваа изјава претставува значаен сигнал за проширување на улогата на Украина во меѓународните безбедносни операции, особено во контекст на соработката со западните сојузници.

Украина е во преговори со Оман, Кувајт и Бахреин за безбедносна соработка, вклучително и размена на технологија и експертиза во борбата против беспилотни летала.

Зеленски изјави дека Киев ќе го почитува велигденското примирје, откако рускиот претседател Владимир Путин прогласи велигденско примирје. 

Војната меѓу Русија и Украина трае повеќе од 4 години. 

фото принтскрин