Зеленски верува дека Ерусалим може да стане место за преговори меѓу Москва и Киев. Украинскиот лидер додаде дека е погрешно и неконструктивно страните да се состануваат во Русија, Украина и Белорусија

„Разговаравме со [израелскиот премиер Нафтали] Бенет и му реков дека е погрешно и не е конструктивно да се состанеме во Русија, Украина и Белорусија. Мислам дека Израел, особено Ерусалим, може да биде таква точка? Мислам дека е така“, рече тој во видеото објавено на неговиот канал на Телеграм.

„Генерално сме позитивни за посредувањето на некого, но јас не го нарекувам г-дин Бенет некој, бидејќи мислам дека тој може да одигра важна улога. Пред се, затоа што Израел е таква земја. Има многу историја и влече многу паралели“, изјави претседателот на Украина.