Украинскиот претседател Володимир Зеленски вели дека украинските сили не се опколени во областа Курск во Руската Федерација, а присуството на одбранбените сили не е ограничено само на територијата на Курската област, пренесува УНН.

Зеленски нагласи дека Русите сакаат да ги истиснат одбранбените сили од регионот Курск. Кажа дека нивните генерали, колеги и претставници на Франција и Британија потврдиле дека нема опкружување. 

„Ние сме на територијата на регионот Курск и нашето присуство не е ограничено само на тој регион“, рече Зеленски.

Тој посочи дека украинската армија контролира 64.000 руски војници во областа Курск.

„Засега ја контролираме ситуацијата, таму сме и тоа ни е многу важно“, вели Зеленски. 

Според руски воени блогери, украинските сили влегле во Белгород. Оваа информација тие ја објавија претходно.